Grand Library (已結業)

收爐前，同同事食團年飯，見公司附近開咗間新嘢，裝修都靚靚地，就試試佢。原來係先去收銀俾錢，攞個感應器返埋位，之後就有人攞個餐去你個位，啱晒我依啲咁“論盡”嘅人（自己攞餐手震震，好驚）食物選擇唔算多，但啤酒種類就有好多款喇。先嚟小食類，食咗“韓式炸雞” “炸雞” “魷魚兩食”； 最鍾意個韓式炸雞，有別於一般韓式雞，唔會太炸，細細舊，甜甜地，好食另外個炸雞味都唔錯，但略嫌有少少乾，如果加埋沙律醬就 perfect喇主食叫咗“細鰻魚飯” “泡菜豚肉飯” “韓式炒粉絲” “蕃茄牛骨湯配飯” “咖哩炸雞飯”， 我自己就食鰻魚飯，都幾抵食，幾廿蚊，大大碗飯，兩大塊鰻魚，下次叫佢俾多啲汁撈飯，我鍾意。 我仲試咗個泡菜豚肉飯，好好味，下次我會叫依食個。不過最特別係支手工啤，叫咗支大size, 成支香檳咁上（可能係我大鄉里，見到都開心），啤酒唔太多汽，有少少果香，甜甜地，推介以後放工又有個飯堂喇