望月 (非門市)

營業中

休息中

可能遲咗少少，不過都想講返下月餅，年年都會買月餅畀家人，不過傳統月餅實在太過浪費，size大之餘通常屋企最少都有2盒共8個，日日做早餐都唔掂，仲買傳統月餅畀家人真係會出事！所以幾年前已經開始買望月的奶皇月餅，夠細個，但係奶皇味濃。試過唔同方法食，最好食就係切開幾份先放入焗爐焗一分鐘左右，隔住個爐都聞到香。買嘅時候都分兩種，環保裝同埋禮盒。其實大家都係用紙盒，不過禮盒就多啲膠、紙厚啲，我今年買135蚊一盒環保裝，係就係似薄紙皮盒裝住，不過橫豎鐵盒好、紙皮盒又好，都係無用架啦。所以我幾年嚟都係環保裝支持者！其實奶皇月係香港原創，佢嘅原創人葉師傅就係望月嘅負責人！當年佢喺一間著名酒店研發呢個餅餅出嚟，有信心保證嘅。支持小店(我當佢係小店啦) 好過幫襯啲咩香港手信啦，成口蛋黃油好好玩咩。