食雞

營業中

休息中

對於呢間係大角咀既食煲，一開始是沒有抱什麼期望而來的，因為個名開宗明義“食雞”，一係就對自家的雞煲好有信心，唔係就 gimmick 野黎者。既然晚餐本來就要食，就趁佢新開張$258試一試，估唔到食到年度最好味既雞煲。雞煲可以選擇辣度，大蔥，洋蔥，芫茜既份量，識食一定多洋蔥，令雞煲多份甜味。4分鐘食得，雞肉一啖食落口感不得了，好嫩滑多汁，係呢幾年食過最柔軟得黎唔係死淋既雞煲雞肉，加埋個濃味醬汁好惹味。推介要加花椒食，麻而不辣，份量自己加。呢度既 prime 牛小排都佈滿雪花，質素很高。叫第二，三碟都保持一致既肉質。西班牙 iberico 梅頭肉都好靚，薄切6一陣就食得，媲美日本豚肉。其餘的餃子和丸類都唔係普通街市貨，特別一提係扎肉，脂香甚豐。呢度地方好大，唔會焗，同隔離枱都有一定距離，岩晒一班朋友打邊爐吹水。飲品有汔水，清涼爽，啤酒幾款，加多少少就可以啤酒任飲了，太滿足啦。值得一提廁所闊落同干淨。