神燈海鮮酒家 (18廣場)

營業中

休息中

年二十九屋企人團年，我地六點鐘坐低，服務員提醒我地兩個小時內交檯。我地由落單到食飽都好快趣，短短55分鐘已經掃清食物，原本想坐幾分鐘傾下計，點知有個女知客問我地係咪所有送菜已經到齊，要我地先埋單；雖然佢口裏話唔係趕我地走，但用意已經係趕客。我問佢地係咪有客等緊檯，但係都無客響度等緊，仲有兩張檯清緊。今時今日咁樣服務態度真難怪港人北上。講番食物，半隻乳豬以為即燒，但送上來已經凍曬，份量也少。柚子蝦球味道唔錯，夠大隻。炸黃油雞味道一般，雪雞變唔到魔術出來。芥蘭煲好香口好味。叉燒王份量好少，平均一舊$30。神燈小炒皇有油炸鬼豬頸肉，都幾特別。新春菜單無鮮魚價錢，問服務員都係支吾以對話幾百蚊一條，感覺唔憂做我生意。整體服務人員低級既有禮貌親切，反而高級同知客服務態度有待加強。