添好運點心專門店

營業中

休息中

添好運點心呢間店名成日都响我生活裡出現，啲朋友成日都話好正，所謂平、靚、正點心專門店，旺角價錢食到頂級超水準點心。可惜，次次行過都有一大堆人翁住間小小店舖的入口，我真係提唔起勁去拎張飛去排超過一粒鐘以上食頂級水準的點心，因為我估排到我以經火上心頭，到時我真係吃龍肉都唔會覺得係咩一回事。有日同朋友講起佢去過深水埗間店唔洗排好耐，咁我就有才才心郁郁想去試吓咁啦！原來呢間水埗店真係唔洗點排喎，一陣間就入左去座低左，坦白講就真係唔係太好坐，但係為左比深水埗會錢食中環頂級嘢就張就吓唔同佢計較啦！哈哈！我哋叫左叉燒腸、蝦餃、酥皮焗叉燒包、鳯爪排骨蒸飯同埋蝦滑釀西蘭花，本想叫埋個古法糯米雞但怕太飽所以今次未能試喇，先講個酥皮焗叉燒包，眼見每一枱都有叫，看落平平每奇的但食落又真係會令你『嘩』一聲的叫左出黎，好味！真係好好味！脆脆的外層加上內裡的叉燒同醬汁配合得好好，三個一碟我就食左兩個，叉燒腸個皮好薄好滑，蝦餃啲蝦真係好爽好鮮味，鳯爪排骨蒸飯呢都好，啲飯蒸到啱啱好，又唔會太多豉油，排骨又唔會得個淋字，保存到本身的肉質但鳯爪就小左啲啲……呵呵！今日唯獨是個蝦滑釀西蘭就差左少少，西蘭花蒸得太耐了，呢個要改