Thai-ger (已搬遷) 新店位置

D2place 近期開咗啲新玩意，所以就同啲朋友去行吓，一上扶手電梯就見到呢一間泰菜，雖然舖位細細，但都好多人食，所以就入去試吓。我哋今次叫咗好多嘢食，有船麵、海南雞、炸豬肉條、pad-thai、豬脾肉配咖喱、香辣肉碎炒飯、椰子雞湯，同埋芒果糯米飯；飲品方面，叫咗龍眼水，青檸梳打，同班蘭特飲。全部嘅嘢食都非常之有水準，船麵個湯好好飲，海南雞啲肉好滑，香辣肉碎比我想像中冇咁辣，好啱啲唔係好食得辣嘅人，椰子雞湯充滿着濃厚嘅忌廉味，成個body好full嘅感覺，芒果糯米飯啲糯米係用咗班蘭同碟豆花嘅汁去整，啲椰汁可以自己加，甜度可以自己控制，非常好！絕對值得再嚟食！