酷廚 (已結業)

第一次嚟D2，估唔到呢個building咁多食肆都要排長龍，仲要週末...anyway，好睇呢間唔駛點等就有位。點咗2個set lunch加一個小食，份量都幾大。泰式咖哩雞配紅米飯，鍾意佢個咖哩係辣，因為好多店都怕客人唔食得辣就唔落辣，但唔辣嘅泰式咖哩就係爭咁d。而雞扒都有醃過，不過可以再醃耐d入味d，個飯係乾身，配咖哩一流。蜆肉煙三文魚忌廉意粉，意粉唔會煮到過火，配料足，加分。整體呢2個set嘅口味都幾啱我。炸雞扒配薯條，雖然係急凍雞扒，但估唔到入面係juicy，而且粉漿調得幾脆口。另外，好耐冇食過呢款薯條，好懷念，不過下次可以俾多d茄汁。