影片
更多
2020-06-29
1151 瀏覽
如果大家住大埔嘅都知道，假期食肆真係爆滿，咁今日好想食碗雲麵，周圍都座無虛席，比較老字號嗰啲...門口直頭排隊，30幾度..真係冇咁嘅耐性。遊遊蕩蕩之際，見到有一間好似唔使排隊嘅潮州粉麵，出邊玻璃都望唔到入邊，門口裝修比較新式。自動門打開....入到去，發覺裝修同一般舊式粉面店唔一樣，比較型格！但得幾枱座位仲要坐滿，心諗都走得～點知侍應話樓上仲有一層，原來別有洞天，上到去裝修格調都好靚，但基於客人多，我就冇周圍影相呢間麵店主要係買牛類嘅粉麵（牛丸、牛筋、牛腩）同埋燒賣，我叫咗個紫菜牛丸牛筋米；我朋友就叫咗牛肚牛腩飯，我哋就冇嗌燒賣，因為減緊肥嘢食到啦，作為潮州妹嘅我，我都可以大膽評論，佢係好食，但我唔覺得自己食緊潮州粉麵，佢牛筋、牛腩好淋、入味；牛丸亦都彈牙！但唔係我食開嘅潮州牛丸、牛筋，基本上好唔同。我諗我下次帶埋我爸爸去食，佢會講得出俾我知有咩分別🤔到時希望可以再同大家分享～
呢間麵店主要係買牛類嘅粉麵（牛丸、牛筋、牛腩）同埋燒賣，我叫咗個紫菜牛丸牛筋米；我朋友就叫咗牛肚牛腩飯，我哋就冇嗌燒賣，因為減緊肥嘢食到啦，作為潮州妹嘅我，我都可以大膽評論，佢係好食，但我唔覺得自己食緊潮州粉麵，佢牛筋、牛腩好淋、入味；牛丸亦都彈牙！但唔係我食開嘅潮州牛丸、牛筋，基本上好唔同。我諗我下次帶埋我爸爸去食，佢會講得出俾我知有咩分別🤔到時希望可以再同大家分享～
張貼
