影片
更多
2018-04-27
2255 瀏覽
週末嘅晚上，我突然好想打邊爐。但一定搵定間好食而又有得訂枱，否則一定要等到天昏地暗。用elimination 法喺openrice 搵咗呢間，訂枱兼出席就會有25miles。616十二味係一間主力食牛嘅火鍋店。menu 上有十幾款牛，亦有簡單介紹。但係啲介紹就較含糊，唔係太想睇字下，如果佢將啲介紹轉成index，例如牛味幾多，靭度幾多，入口溶化度幾多，我就應該好快揀到。我最後係揀左牛扑肉，匙柄，後加牛柳。牛扑肉係最岩我口味，唔靭，但匙柄就好靭雖則牛味重少少。其實我最想要牛味重但唔靭嘅部分，最後揀左牛柳都係唔滿意。記得一定要跟住佢建議滾嘅時間煮，多幾秒都變靭而fail. 另外，我地仲叫左牛丸，黑柏葉，金菇，烏冬同皇帝菜。牛丸爽口彈牙，要推薦！黑柏葉就切得太幼，食得好麻煩。金菇又太碎，又係麻煩。不過呢度有皇帝菜，值得加分！呀，打邊爐最緊要湯底，我地叫左鴛鴦，個沙爹底係amazing，好香花生味，值得一試！最後最後，呢度嘅裝修係舊香港設計，幾特別。所有野都幾年輕化，例如有tablet 落單，第一次落單時仲有個漏斗make sure 你廿分鐘可以齊料。之但係太年輕下，啲侍應好新手，亦無咩服務態
616十二味係一間主力食牛嘅火鍋店。menu 上有十幾款牛，亦有簡單介紹。但係啲介紹就較含糊，唔係太想睇字下，如果佢將啲介紹轉成index，例如牛味幾多，靭度幾多，入口溶化度幾多，我就應該好快揀到。我最後係揀左牛扑肉，匙柄，後加牛柳。牛扑肉係最岩我口味，唔靭，但匙柄就好靭雖則牛味重少少。其實我最想要牛味重但唔靭嘅部分，最後揀左牛柳都係唔滿意。記得一定要跟住佢建議滾嘅時間煮，多幾秒都變靭而fail.
另外，我地仲叫左牛丸，黑柏葉，金菇，烏冬同皇帝菜。牛丸爽口彈牙，要推薦！黑柏葉就切得太幼，食得好麻煩。金菇又太碎，又係麻煩。不過呢度有皇帝菜，值得加分！
呀，打邊爐最緊要湯底，我地叫左鴛鴦，個沙爹底係amazing，好香花生味，值得一試！
最後最後，呢度嘅裝修係舊香港設計，幾特別。所有野都幾年輕化，例如有tablet 落單，第一次落單時仲有個漏斗make sure 你廿分鐘可以齊料。之但係太年輕下，啲侍應好新手，亦無咩服務態度。
張貼
