影片
更多
2021-04-25
1101 瀏覽
🧸卡肥中午冇着落，突然醒起可以陪熊妹返工前食個快lunch，簡直係fit過London。📌話明快lunch就梗係食快餐啦，銅鑼灣時代有咩快餐食？新進嘅美國漢堡包快餐店《Shake Shack》卡肥同熊妹都未食過，加上卡肥又好懷念舊時喺舊金山⛰留學嘅時候正宗漢堡包嘅味道，簡直係🈴曬合尺。📌中午放飯時間，銅鑼灣鬧市地區當然人頭湧湧，快餐店食快餐快來快去，絕對係上班族得一個鐘頭食飯嘅好地方。📌快餐店自出自入，鍾意坐邊就坐邊，需要咩調味料啊餐具啊全部都自助式，自由自在就係快餐店嘅特色。📌美式漢堡包快餐店當然有齊典型三寶，漢堡包🍔、薯條🍟、奶昔🥤，另外仲有麥樂雞🐥同埋熱狗🌭，全部都係稱為唔健康嘅垃圾食物。📌熊妹更加發現一樣《Shake Shack》獨有比較特色嘅自助機器，就係自動洗手機。🚿📌洗手機上面有晒圖例教食客點使用洗手機洗手，非常方便適合食客係食嘢之前唔使周圍搵洗手間洗手💦，係現時肺炎緊張🦠嘅局勢，注重⚠️個人衛生係非常重要嘅，呢部洗手機絕對係一個好幫手🤝。📌首先，伸手向感應位🧿。 然後，出泡搓手🧴。 跟著，出水洗手🚰。 最後，出紙抹手🧻。📌洗完手就快啲開餐啦！🍴
📌話明快lunch就梗係食快餐啦，銅鑼灣時代有咩快餐食？新進嘅美國漢堡包快餐店《Shake Shack》卡肥同熊妹都未食過，加上卡肥又好懷念舊時喺舊金山⛰留學嘅時候正宗漢堡包嘅味道，簡直係🈴曬合尺。
📌中午放飯時間，銅鑼灣鬧市地區當然人頭湧湧，快餐店食快餐快來快去，絕對係上班族得一個鐘頭食飯嘅好地方。
📌快餐店自出自入，鍾意坐邊就坐邊，需要咩調味料啊餐具啊全部都自助式，自由自在就係快餐店嘅特色。
📌美式漢堡包快餐店當然有齊典型三寶，漢堡包🍔、薯條🍟、奶昔🥤，另外仲有麥樂雞🐥同埋熱狗🌭，全部都係稱為唔健康嘅垃圾食物。
📌熊妹更加發現一樣《Shake Shack》獨有比較特色嘅自助機器，就係自動洗手機。🚿📌洗手機上面有晒圖例教食客點使用洗手機洗手，非常方便適合食客係食嘢之前唔使周圍搵洗手間洗手💦，係現時肺炎緊張🦠嘅局勢，注重⚠️個人衛生係非常重要嘅，呢部洗手機絕對係一個好幫手🤝。
📌首先，伸手向感應位🧿。
然後，出泡搓手🧴。
跟著，出水洗手🚰。
最後，出紙抹手🧻。
📌洗完手就快啲開餐啦！🍴
ShackBurger
$77
41 瀏覽
0 讚好
0 留言
既然要試就梗係試大啲喇。首先叫咗個雙層牛肉芝士漢堡🍔。
招牌芝士漢堡入邊一定有牛肉漢堡扒、熱熔芝士🧀、蕃茄🍅同埋生菜🥬。雙層牛肉芝士漢堡就即係有兩塊牛肉漢堡扒。
熱熔芝士係鹹香嘅車打芝士醬，鋪滿晒係牛肉漢堡扒上面，啖啖都包食到芝士。
牛肉漢堡扒打得好腍身，肉汁鎖住又無渣，啖啖肉絕對滿足到卡肥食肉獸嘅慾望。
蕃茄片同生菜片都非常之新鮮，特別係生菜片，翠錄到絕對好似係啱啱撰落嚟咁，果然係正宗漢堡包店，連配料都精心挑選過。
包皮屬於軟熟嗰種，入面仲搽埋牛油煎烘過，成個漢堡包成件事就係軟軟腍腍，好濕潤唔會好乾。
Hot dog
$33
38 瀏覽
0 讚好
0 留言
➕芝士醬，$10
話明試盡佢，食完漢堡包就試埋副線產品熱狗啦🌭！
熱狗配芝士醬當然最配搭啦！就算加$10都要試埋去！
熱狗包質感就即係漢堡包嘅質感，偏軟熟，熱狗腸面頭鋪上一層芝士醬🧀，完完全全覆蓋左熱狗腸，可想而知芝士醬嘅澎湃程度。
熱狗腸比較幼身脆皮一條，就唔係一般嘅粗身的熱狗腸，呢點令熊妹有啲失望。雖然有一大pat鹹鹹的芝士醬，但係熊妹同卡肥都認為始終熱狗要點上茄汁🥫酸酸甜甜先係熱狗嘅味道。
Chick' n Bites
$37
27 瀏覽
0 讚好
0 留言
有卡肥在，食完主食，又點少得小食呀？一於嗌埋一口炸雞啦🥡！
炸雞好大粒，外皮係奇趣炸嘅，粒粒炸粉唔同一層炸粉咁，令炸雞食落比較脆口。
雞胸肉好嫩滑，咬落去有肉汁咇出嚟，再點埋經典嘅芥末醬同茄汁，味道可口，咁嘅價錢都相當抵食。
Cheese Fries
$36
25 瀏覽
0 讚好
0 留言
漢堡包最佳拍檔就梗係薯條啦，咁先完美。
揀咗芝士薯條🍟，有一大Pat芝士醬淋上面。
濕潤嘅芝士醬整腍左粗身嘅薯條，令到薯條腍腍地咁食，腍身又有厚薯仔肉嘅薯條就係熊妹最愛嘅味道💕。
真係好好味，一兜薯條有好多，最後連卡肥都食唔晒。
Classic Shake
$42
23 瀏覽
0 讚好
0 留言
食咁多油膩肥膩野，一定要飲嘢中和下啦！奶昔配漢堡包，先可以完美結束成個垃圾食物餐嘛！😝
經典奶昔就梗係有齊經典口味啦！雲呢拿味🍼、士多啤梨味🍓、朱古力味🍫、焦糖味，仲有特別口味花生醬味🥜同埋咖啡味☕️。
由細到大都愛好花生醬嘅卡肥梗係唔放過花生醬奶昔啦，熊妹就一於奉陪到底啦！
嘩！味道簡直驚為天人😱！非常濃郁嘅花生醬牛奶味道，鹹香嘅花生醬🥜溝落甜甜嘅牛奶奶昔🥤，以為飲落去會好濟，但原來絕對唔油膩，仲可以一解頭先垃圾食物嘅鹹膩，雖然只係一個區區嘅快餐店紙杯，估唔到內裏乾坤，係絕對推介嘅人間飲品。
非常愉快嘅一個中午快餐，非常滋味，又可以自由自在地遊走，一來有卡肥嘅陪伴，二來可以喺返工前食個愉快嘅午餐，三來食到咁滋味嘅美食，四來仲要發掘到人間特有既美食配方，一食四🉐，熊妹今日係哪來嘅幸運呀？
張貼
