影片
更多
2019-06-28
239 瀏覽
自從轉工之後，出外食飯多咗好多，今晚陳老闆話要同我補祝生日，盛情難卻，唯有跟佢去鮨生賢。踏出升降機就好似去咗日本街頭，掀開紅色暖簾進去，內裡光潔明亮，除了右邊壽司吧之外，左邊還有幾個卡位，進門時就被一個裝住卡片嘅夜光貝吸引住，令人回想起幾年前沖繩開心之旅。初嚐Omakase，食咩當然由老闆話事啦！原來呢度嘅師傅同老闆娘都曾到日本深造多年，對所學習的江戶前料理技藝與待客之道都有堅持。老闆娘親切熱情，不時添加熱茶，有時傾謁耐咗茶涼了，又幫我們換新一杯熱茶，好貼心祥鶴(十八種) $1580餐含: 先付、向付、合肴、壽司、卷物、止椀、甘味或菓物依玲對上述名稱一竅不通，雖然師傅和老闆娘詳細解說，但係人家忙著吃、忙著看，看得入神，太忙，都記不住了😅如有出入，請不吝指教🙏先付：首先送出較清淡的食物。今次係蘿蔔，切得工整，口感爽脆，澆上酸汁，味道清甜伴有生鮮蘿蔔的微微辛辣，好醒胃。另一種醃漬蘿蔔是帶咸味，有另一種爽脆口感，好味！第一道菜係金目鯛白子，師傅話這麼大的金目鯛白子較罕有，給我們碰上了，真幸運白子輕炙後放在小陶碟上，上面放了一撮三文魚籽，一啲蔥粒，配有秘製醬汁，還有點點青檸皮碎屑，增添一縷清香
今晚陳老闆話要同我補祝生日，
盛情難卻，唯有跟佢去鮨生賢。
踏出升降機就好似去咗日本街頭，掀開紅色暖簾進去，內裡光潔明亮，
除了右邊壽司吧之外，左邊還有幾個卡位，
進門時就被一個裝住卡片嘅夜光貝吸引住，
令人回想起幾年前沖繩開心之旅。
初嚐Omakase，食咩當然由老闆話事啦！
原來呢度嘅師傅同老闆娘都曾到日本深造多年，
對所學習的江戶前料理技藝與待客之道都有堅持。
老闆娘親切熱情，不時添加熱茶，
有時傾謁耐咗茶涼了，又幫我們換新一杯熱茶，好貼心
祥鶴(十八種) $1580餐含: 先付、向付、合肴、壽司、卷物、止椀、甘味或菓物
依玲對上述名稱一竅不通，
雖然師傅和老闆娘詳細解說，
但係人家忙著吃、忙著看，
看得入神，太忙，都記不住了😅
如有出入，請不吝指教🙏
先付：首先送出較清淡的食物。今次係蘿蔔，切得工整，口感爽脆，澆上酸汁，
味道清甜伴有生鮮蘿蔔的微微辛辣，好醒胃。
另一種醃漬蘿蔔是帶咸味，有另一種爽脆口感，好味！
第一道菜係金目鯛白子，
師傅話這麼大的金目鯛白子較罕有，
給我們碰上了，真幸運
白子輕炙後放在小陶碟上，
上面放了一撮三文魚籽，一啲蔥粒，
配有秘製醬汁，還有點點青檸皮碎屑，
增添一縷清香。
白子很新鮮，質感輕柔，口感細膩柔滑，
緩緩响口中化開，味道鮮甜，滋味無窮。
跟住係煮鮑魚，師傅把已煮好鮑魚切角，
細心地放响跟前嘅陶碟上，
一大一小的鮑魚角，
顏色墨綠體積小小嘅係鮑魚肝，
師傅話由最近自己的一件開始吃，
順序吃到最遠，長知識了。
鮑魚溫度微暖，口感腍彈而有勁，
咀嚼時， 鮮香四溢， 好好吃!
烹調時間掌握得非常好！
跟住師傅捧出一個大砵，
拎出巨型八爪魚觸鬚切出2件，
再處理一下就送到面前
觸鬚質感腍而有口感，吸盤部分爽脆，
味道鮮香，好食
這時，師傅又拎出件嘢嚟，從中切出兩片，原來係鮟鱇魚肝。
久聞鮟鱇魚肝珍貴好吃，
急不及待夾嚟食，
鮟鱇魚肝蒸煮過質感鬆軟，
入口即溶，質感柔軟幼滑，
配合青檸皮茸清香，美味
食緊魚肝時，自家漬製的薑出現，
師傅三兩吓手勢，俐落咁將薑切片，
依玲從小好鍾意食甜酸薑，
薑片好嫩無渣，甜酸度適中，好味啊
老闆娘期間又不時為我哋添熱茶，
然後放下一碟中間拱起的濕紙巾，
話係伸手去拿壽司之前，
拇指和食指拈一拈抹手用。
此時，師傅取出不同魚肉， 細心地各切出2片， 陳列在面前的陶板上，
老闆同師傅傾謁時，聽到話壽司料經過熟成。
至於咩叫熟成呢？返屋企上網查一下，
原來係江戶前壽司處理壽司料的方式，
經過熟成的魚肉變得柔軟，油脂極為豐富，
而且魚味更濃，要配搭味道也較濃郁的赤酢飯。
最上面係瓜子鯛， 晶瑩透亮，肉質爽中帶軟，掃了秘製醬汁，
味道微辣，配埋赤醋飯一齊食，魚味不重
中間係金目鯛， 表面經過輕炙，
魚肉柔軟， 油潤有魚香
跟住係白蝦壽司，
白蝦係全世界最細嘅剌身蝦 ，
一貫壽司上有十幾隻白蝦，
口感黏稠軟滑中帶爽，
赤醋飯襯托出蝦肉的鮮甜。
師傅話用嘅都係野生的釣口魚(附鉤)，
獨立包裝由飛機直送，
所以鮮味和魚味與眾不同。
最愛赤貝的爽鮮又甜又脆
有籽有膏嘅瀬尿蝦，味道鮮甜，
肉質細緻有嚼感。
平正魚腩位 ，爽潤有魚香。
魚皮銀色有小黑點嘅小肌，
係江戶式壽司嘅代表食料之一。
小肌被鹽醋醃過，口感有啲似熟魚，美味
有微微紫蘇香
又係休息吓嘅時間，青瓜絲可以清清味蕾，
嚟緊嘅係咩呢，期待...
看師傅一手拎住塊葉，一手唔知拎住啲咩，
幾吓手勢就變出一件蠔壽司。
北海道真蠔以慢煮方式處理過，
入口軟滑爽脆，汁液充斥口腔，
蠔味十足並一絲清香。好正呀
跟住係三款吞拿魚，大拖羅肥美，入口即化，油脂豐腴，
口感柔軟，脂味綿長。好食
第二件係「蛇腹」拖羅，
「蛇腹」是拖羅中最肥美，
師傅在上面劃幾刀，
再微微一炙，油份在口腔內爆發
充滿住脂香
第三件係吞拿魚赤身，
深紅色的赤身醬漬過，
令鮮甜度提升，魚味濃郁，
肉質軟香，好味
然後係令人心心眼嘅海膽壽司，
師傅話海膽係特別處理過，
海膽上面舖咗薄薄嘅昆布，
好像是一種調味方法。
海膽新鮮， 色澤亮麗，
入口甘香，口感豐腴，
昆布將海膽嘅鮮味提升，
回甘久久未散，齒脥留香。
好正呀
接住見師傅拿出一片紫菜，快速地放上牡丹蝦、赤醋飯、秘製嘅膏汁送上，
溫馨提示要盡快享用，以免紫菜受潮變軟，影響口感。
紫菜係响日本特別處理過才送來，
特別香趣。
牡丹蝦鮮爽黏糯，
一啖咬下去，混合全部材料在口中，
嘩！口感複雜，係好好味呀
食緊壽司嘅時候，老闆娘送上一碗熱辣辣嘅湯，
話係用七種鯛魚熬煮而成的，
湯內有多種魚片、豆腐 和一些香菜，
魚湯好鮮味
飲完湯，呢餐Omakase已經去到尾聲，
老闆娘送來一個精緻嘅甜品，自家製嘅紅豆抹茶凍，
抹茶味香濃，甘而不苦，
享受到靚抹茶嘅味道，
加埋又大又腍嘅紅豆
好好味呀！
今晚好滿足，可以食到咁好食又高質嘅料理，感覺好幸福啊
題外話/補充資料：
10%服務費
(以上食評乃用戶個人意見 , 並不代表OpenRice之觀點。)
張貼
