幸福鍋 (已結業)

呢間店新開冇耐，裝修幾靚又新淨，所以已經吸引好多人黎食，晚市要排隊等位，見到佢有得外賣，就一於試下先。1️⃣簡左你要邊個肉類Set，每個set都包一份蔬菜籃2️⃣簡湯底3️⃣簡個面類或飯4️⃣如果想配埋飲品，加$10。5️⃣如果想好似係店鋪打邊爐既感覺，加$10就可以有一set打邊爐工具。 美國牛板腱，豬梅花，阿嬤燒酒雞份量好足夠，梅花肉肉質好鮮嫩，而且唔會好油膩。牛板腱肉味好香濃，咬口有韌勁。燒酒雞浸得好重酒味，煮完之後依然食到好香濃既酒味😋澳洲牛小排，海蝦墨魚滑魚皮牛小排油花分佈都唔錯，食落好柔軟，絕對合我心水。海蝦都新鮮，肉質彈牙，墨魚滑鮮甜爽口。🥬菜籃有粟米🌽、蓮藕、冬菇、南瓜🎃、蘿蔔、豆卜、生菜、金菇、雜菇、蕃茄🍅。御膳麻辣鴨血鍋好香既麻辣味，辣度都ok，鴨血份量都唔少。桃膠人參美人鍋飲落去個湯都好清甜。古早鮮橙茶裡面有幾片新鮮橙🍊。冰糖紅棗燉雪耳材料好足夠，甜度亦岩岩好。我地打左差唔多兩小時，個酒精罐都未用完，所以想慢慢食既朋友都可以試埋佢個外賣package。