星願 居酒屋 (已結業)

自從疫情之後，多咗自己一個人出街食飯，好似變得更加享受自己一個人用餐🍴今日介紹呢一間係我一個人用餐嘅飯堂😚食物高質之餘，店員服務態度又好，最緊要係自己一個人食飯唔會話怕尷尬😝可能我習慣咗喺度食嘅氣氛☺️舒舒服服咁食嘢，唔經唔覺又食完😉今日我嘅餐單係鳳梨鵝肝多士同黑蒜餃子拉麵🍜😎鳳梨鵝肝多士，第一次食嘅時候驚為天人，自此之後每次都會嗌嚟食，鵝肝大大塊配埋酸甜酸甜嘅風梨，味道極之夾！😎黑蒜餃子拉麵🍜呢個拉麵勁濃味👍🏻我最鍾意食重口味嘅嘢，仲有嗰隻蛋超級糖心，嗰種漿住嘅感覺☺️真係好想再食多一粒！啲餃子亦同樣好味，入邊仲有啲湯汁添👏🏻👏🏻已經期待下一餐食咩好啦🙈