幸腹滿屋日本料理 (已結業)

想嚟食魚生丼好耐，今日係附近睇完醫生，順道醫埋個肚。😁可能正值午飯時段，佢問我有冇訂位🤨冇呀！好彩有兩個位，連埋我地全場滿座。午餐選擇都幾多，除魚生飯定食外還有壽司、鰻魚飯、拉麵。今日係為魚生而來，所以點咗兩個魚生飯定食。鮑魚海鮮飯定食珍寶魚生飯嘩！魚生鋪滿飯面，分量十足，而且每樣食材都好新鮮冇腥味，蝦好大隻、帶子、三文魚非常嫩滑甘甜，隻鮑魚入味又爽口彈牙。今日食到咁正嘅魚生，感覺好幸福。但我個人唔太喜歡壽司醋，覺得啲飯偏酸，食到條脷嚡拾拾😖個餐包麵豉湯和沙律，湯味道較淡，內有海帶和滑滑豆腐，沙律Ok但好細兜。餐飲點咗咖啡、奶茶～有生以來飲過最淡嘅咖啡🤨