阿杏飯團 (富時中心)

營業中

休息中

台灣「阿杏飯團」來左香港都有一段時間，但依然人氣不減，分店越來越多，皆因爆餡足料，配搭多多，選用健康紫糯米，熱辣辣飯團🍙= 非常幸福嘅味道❤️！🍖啖啖肉套餐熊本烤腸飯團~ 烤腸口感紮實，嚼勁十足，煙韌多汁，配上肉鬆，香脆油炸鬼粒粒，真係啖啖肉，好好餸，夠哂滿足。最鍾意配有菜圃，鹹鹹甜甜又清爽，非常開胃。🥚鹹蛋套餐芙蓉鹹蛋飯團~ 原隻大大粒鹹蛋黃，蛋黃油香味十足，唔會死鹹，咬落外紮實，內香軟。鍾意鹹蛋黃嘅一定唔可以錯過。🧋飲品方面黑糖珍珠奶茶，珍珠煙韌彈牙，黑糖清香唔會死甜。另外椰果四季春，四季春茶清香怡人，椰果香甜清爽，入口好match。如果係外賣返屋企飲記住少冰或走冰，以免溶冰變淡左味道。