一瀧 (已結業)

作為海鮮愛好者，今餐真係超級幸福😍👏🏻 食材高質，刺身鮮甜，調味得宜，好圓滿。而比較少見嘅牛腸鍋，三瀨炸雞(黑媽媽嘅🥶)喺呢度都可以搵到～餐廳環境闊落，可以選擇Bar枱、榻榻米同獨立房間。我地揀咗榻榻米，別有一番日式風情。🎏 北海道白象拔蚌配竹炭鹽 👍🏻👍🏻👍🏻- 以竹炭鹽及柚子香作點綴，清新怡人- 象拔蚌兩食，灸燒過既象拔蚌更香更濃- 口感彈牙，新鮮味美🎏 北海道海膽魚子伴松葉蟹肉 👍🏻👍🏻- 超級邪惡嘅組合，多重味覺享受- 海膽完全冇苦味，甘甜中帶點鹹香- 絲絲蟹肉，口感相當好🎏 汁煮白梅貝 - 新鮮，厚肉，有酒香- 比起前兩道刺身，相對地冇咁驚喜🎏 A4宮崎和牛壽喜燒 (加烏冬) - 湯底走濃郁路線，加埋烏冬一流- 和牛肉味較濃，油香唔算重- 可以加購棉花糖增加甜味🎏 福岡縣士多啤梨配清酒雪葩 - 賣相特別，以為係冰鎮士多啤梨😂🤯- 碎冰有淡淡清酒香氣- 幾特別，一試無妨🎏 Bubble Iced Tea- 店員會喺面前整Bubble，觀賞度🆙- 茶底自然，唔係好假嘅死甜糖漿味食材優質，環境舒適，慶祝生日都唔會失禮。