芝心糖人街 (已結業)

今晚約了朋友去九龍城食飯，食完飯當然要去吃糖水，成餐飯先圓滿，在九龍城這個食肆多如繁星的地方，要找一間入去幫襯的糖水鋪，真是有點選擇困難，所以最終行下行下，就走了入【芝心糖人街】，鋪頭不算大，但是都算整潔舒適，最特別是天花吊滿水晶雀仔，又有一個標把做裝飾，兩三個朋友一齊吹水食糖水就最適合。坐定定，就揀下想吃的糖水，我諗都無諗，就叫了我的最愛芒果甜品"香芒三重奏"，既然個名叫三重奏，應該有三樣不同款式的甜品，出來的賣相令人食指大動，包括有脹卜卜的芒果班㦸，閃爍爍的芒果奶凍，香飄飄的芒果雪糕，新鮮的芒果粒，淨看都覺得好幸福。班㦸軟棉棉，奶凍又溶在口中，芒果香及甜味，由舌尖滲入喉嚨啶，再吃雪糕及芒果粒，簡直絕配。吃完甜品，我的幸福指數上升到最高點