幸福堂 (已結業)

天氣真係好焗，好熱，好想飲野呀！係旺角，我就諗起幸福堂，經過幾次都好想飲，今次一定要好好品嚐。好，睇下有咩好飲先。等店員泡製中。呢到係手作炒珍珠，每日新鮮黑糖漿炒製，粒粒通透有彈性。焰遇幸福，黑糖珍珠真鮮奶，上面係鮮奶蓋，再舖上片片焦糖脆脆，呢個奶蓋好特別，平時飲既多數係芝士奶蓋，咸咸地既。而呢個係好creamy 好重奶味，有少少似雲呢嗱。鮮奶混合黑糖既味道係最完美既，珍珠食落唔會過甜，彈牙夠煙韌，每一啖都飲到幸福感！