影片
更多
2018-11-13
24 瀏覽
喺金巴利道食完壽司同刺身，仍有點兒意猶未盡，很想再吃點甜食，滿足一下甜胃。記得之前喺 FB 同 IG 見有人推介一款叫「芝士粟一燒」嘅甜品，初頭仲以為只係喺支粟米上面鋪咗塊燒芝士，無乜特別，估唔到成品竟然係粟米味嘅蜂蜜蛋糕，咁又幾盞鬼喎，唔怪得之被瘋狂洗版，所以已經即時 mark 低咗間舖頭，反正店子就在附近，提議去試下。餐廳位於寶勒巷萬事昌廣場地下，到埗後先沿著窄長的走廊往內進，店面地方不大，裝潢簡潔俐落，牆身以白色為主調，予人一種潔淨明亮的感覺。廚房喺用餐區對面，採開放式設計，食客能一睹甜品的製作過程。餐牌印刷得非常精美，幾乎所有甜品都附有相片，看起來非常賞心悅目。逐頁細看，除咗大熱嘅芝士粟一燒之外，仲有慕絲杯、香蕉太妃、心太軟、黑松露咖啡奶凍、即焗窩夫系列、Mövenpick 雪糕新地、自家製傳統糖水等等，另外亦有熱茶系列、凍飲及沙律，選擇極多。本來一心嚟食芝士粟一燒，點知店員話因為啱啱做完午市，師傅未有時間準備，所以呢款甜品，暫時未能供應。雖然是有點失望，不過見餐牌上的甜品，花款眾多，由傳統糖水到新派甜品都有，反正一場嚟到，就先試下其他款式。芒果酥皮拿破崙 ($60)，呢款拿破
餐廳位於寶勒巷萬事昌廣場地下，到埗後先沿著窄長的走廊往內進，店面地方不大，裝潢簡潔俐落，牆身以白色為主調，予人一種潔淨明亮的感覺。廚房喺用餐區對面，採開放式設計，食客能一睹甜品的製作過程。
餐牌印刷得非常精美，幾乎所有甜品都附有相片，看起來非常賞心悅目。逐頁細看，除咗大熱嘅芝士粟一燒之外，仲有慕絲杯、香蕉太妃、心太軟、黑松露咖啡奶凍、即焗窩夫系列、Mövenpick 雪糕新地、自家製傳統糖水等等，另外亦有熱茶系列、凍飲及沙律，選擇極多。
本來一心嚟食芝士粟一燒，點知店員話因為啱啱做完午市，師傅未有時間準備，所以呢款甜品，暫時未能供應。雖然是有點失望，不過見餐牌上的甜品，花款眾多，由傳統糖水到新派甜品都有，反正一場嚟到，就先試下其他款式。
芒果酥皮拿破崙 ($60)，呢款拿破崙造型非常精美，底面兩塊酥皮中間夾滿吉士同芒果，而面層就唧咗綴以草莓嘅吉士醬，旁邊再以另一塊酥皮、芒果粒同馬卡龍作裝飾，賣相很誘人。切開入口，酥皮層非常鬆化，而夾著的吉士質感亦很細滑，甜度又適中，加上啲芒果肉味道又夠甜美，配埋塊表皮鬆脆、口感煙韌的 macaron 吃，實在討人歡心。整個甜品嘅食材都配合得很好，無論味道和賣相都令人好滿意。
喺五款窩夫中選了：香蕉金莎朱古力窩夫伴榛子雪糕 ($72)，窩夫做得夠曬厚身，做出外脆內軟質感，配上甜美嘅金莎朱古力醬同粒粒果仁、再伴以香滑嘅榛子雪糕吃，仲要係 Mövenpick 出品，非常揼本，呢個組合真係無得輸！最讚就係窩夫面層仲分別有士多啤梨和香蕉，伴忌廉一齊食，既美味又有罪惡感。窩夫分量頗大，足夠兩人分享。
香蕉太妃 ($55)，拖肥批造型非常別緻，面頭綴以酥皮、焦糖香蕉同果仁碎粒，用料毫不吝嗇。至於杯入面，除咗有層層香蕉外，仲有拖肥、奶香十足嘅忌廉、酥皮同 crumble 等。太妃醬甜美香濃，更難得在於其無比幼滑細膩，配上甜度頗高的香蕉亦不會覺得膩，食完真係超滿足。
飲品揀咗曲奇奶昔 ($48) 同檸檬薰衣草 ($48)，奶昔好香好滑，Oreo 曲奇味好濃，將上邊啲忌廉攪勻，杯奶昔飲落更加滑溜。至於杯 Lemonade，味道亦不俗，帶甘甜嘅薰衣草味，飲落好清新，可以減低剛才吃完甜食嘅膩感！唔死心，一定會再搵日嚟試下店子的招牌作：芝士粟一燒。
張貼
