School Food (已結業)

今日有肥仔男友做外賣仔送來愛心午飯真係太開心難得佢今日過我公司附近出JOB一早都好想試呢個卡邦尼年糕同紳士先生咁有CREATIVE, 紳士先生個名又得好得意!!卡邦尼年糕真係好好味呀,個卡邦尼醬好傑真係好正AR!!芝士味又夠曬香濃而且韓式年糕仲好Q好Q眼見份量好似5係好夠咁...但係食落就好飽好飽!!應該係因為卡邦尼醬都係較易令人飽,韓式年糕又係令人好易飽兩個加埋份量不多都已經好飽啦!!痴左肥仔兩件紳士先生,佢話喎紳士一定要食紳士蛋卷佢都傻傻地!!最外層有薄雞蛋包紫菜再有一層白飯厚切午餐肉同泡菜...只能說<<太好味了>>肥仔就叫左個辣醬炒年糕,真係好辣我冇試呀.都5記得影相呀!!佢話真係辣到個人全身都熱呀由個胃都辣出來呀!!好誇張!!男友話果度姐姐話不設外賣只係限堂食, 下次要外賣就要自己包啦!!哈哈..好彩今次食到咋!!其實男友都真係要等幾耐下!!