幸福鍋 (已結業)

終於開左啦，住附近嘅我緊係黎食下啦，我地食下午茶都要等位，係門口見到餐牌都抵食。幸福一品臭臭鍋 $68正宗台式味道，唔止配料多，連一啲台灣特式配料都有，好似米血糕、鴨血，辣度可以自選，套餐仲跟埋主糧同埋特式飲品，呢個價錢絕對好抵食。蕃茄湯白豚肉鍋 $66蕃茄湯鮮甜，配料同樣非常多，最喜歡既係佢蔬菜比例較多，食落唔會好漏，女士食既話一定夠飽。澳洲牛小排$58除左一鍋鍋既鍋物，唔夠的話亦可以自選追加，因為本身揀左既套餐都係豬肉片，所以就試下澳洲牛小排，牛味濃郁，薄切但份量多，鍾意食牛肉既一定要試下。大元貝$28彈牙鮮味，唔會食到成口沙。海蝦$28肉質爽口，一份有3大隻。廣島蠔$28蠔味夠，一啲都唔腥，煮完亦唔會好縮水。古早鮮橙茶套餐飲品除咗一般汽水，仲有好多自家製飲品，橙茶茶味香濃，加上淡淡橙香，唔會好甜，解膩一流。冰糖紅棗燉雪耳好似糖水，但轉成支裝飲品又幾特別，同橙茶一樣甜度適中，打完邊爐飲埋就最啱。