一起果醬 (已搬遷) 新店位置

餐廳內供應多款輕食，如All Day Breakfast、班尼迪蛋，另外亦有漢堡等主食，但最出色嘅一定係佢哋嘅Homemade 果醬，有好多種唔同嘅口味，仲可以買返屋企試吓。.今日一早去行山，早餐要食飽啲，所以叫左All Day Breakfast ，同傳統嘅英式早餐一樣有齊番茄、炒蛋、香腸、煙肉、焗豆、蘑菇等等，食材及味道不過不失。我反而想介紹一下佢哋嘅自選果醬，我哋揀左桂花雪梨、蛋黃菠蘿。果醬無奇怪嘅色素亦無香精味，係好天然嘅感覺。桂花雪梨聞到淡淡花香，雪梨清甜，仲食到一粒粒果肉。蛋黃菠蘿味道相對濃郁啲，菠蘿大大粒，估唔到蛋黃同酸酸甜甜嘅味道會咁夾。厚多士烘得啱啱好，表面金黃香脆，入面仲係軟綿綿，搽上果醬食真係會覺得有種幸福啲感覺。