小甜谷 (已結業)

今日飯後突然想食甜品, 於是就去左附近既小甜谷到食……見到餐牌有好多都係綠茶類既甜品, 就點左個綠茶心太軟去試一試。綠茶心太軟岩岩焗好就拎左上黎, 香氣四溢, 而且個心太軟焗得岩岩好…..有小小焦黃係外面, 仲撒上白色既糖霜。一切開, 流心綠茶就流緊出黎, 食落綠茶味道好重同好濃郁, 甜味岩岩好, 唔會太甜, 仲有小小回甘味…..再配埋佢既紅豆蓉, 裡面有一粒粒既紅豆, 味道都唔錯, 但係可能綠茶味濃唔係好食到紅豆既甜味。不過我鍾意用雪糕同心太軟一齊食, 一冷一熱, 唔同質感一感覺好新鮮, 而且味道都幾好食!!!!!