南小館 (已結業)

今晚同女友食晚飯，女友知我鍾意上海菜，好貼心咁提議食南小館。 我地係The One行左一陣就去左攞飛等位，等左唔算耐，15分鐘到就有位。我地叫左個南小館四小拼 (有糖醋排骨，花雕醉雞，秋葵木耳，涼伴彩絲，HKD 78)，蒜蓉芥蘭 (HKD 42)，鮮肉小籠包( HKD 45)，招牌生煎包 (HKD45)同埋老重慶擔擔麵 (HKD45)。先黎既係四小拼，賣相唔錯，幾精緻，排骨酸酸甜甜，醉雞就略為唔夠酒味，其餘兩味都味道唔錯。 至於個芥蘭，本人都幾喜愛，因為唔油膩或者太重蒜蓉味。小籠包就皮薄，一咬落去，肉汁就出黎，味道唔錯。 至於個生煎包就熱哄哄既，都幾大個，味道就不過不失啦。至於擔擔麵，分量適中，不過唔夠辣，如果可以再辣少少就perfect。