皇之家大姊小籠包 (已結業)

皇之家嘅下午茶餐幾抵食，由$27至$34不等，有三款年糕及多款麵類選擇，送豆漿一杯，不過時間由下午二時至三時三十分，是我見過下午茶時段最短之一。由於趕時間，等不及二時，所以唯有單點每次都喜愛叫嘅菜肉雲吞麵($41，下午茶只不過$30)，豆漿一樣有得送，都等咗8-10分鐘先有得食，先飲一啖湯，幾夠甜味，連蔥花一齊仲好味；再夾上海麵來食，麵條幼幼細細、少少煙韌、又少少腍、掛湯力強，所以好夠味，不過太大碗；菜肉雲吞，皮算薄，但接口位有幾層皮就少少硬，菜肉份量適中，夠味；豆漿不夠凍，幸好不會過甜。