洋蔥 (已結業)

難得有得慶祝一下，當然要去一啲環境比較有氣氛既地方，相約左係百樂中心樓下等，因為果邊夠多餐廳選擇，見到有間氣氛唔錯，而且更高尚既西餐廳，就黎到了洋蔥依間餐廳喇～洋蔥既環境唔錯，坐位間好有空間感，而且四周圍都有好多別緻既裝飾擺設，早左黎到所以冇咩人，環境寧靜，燈光幽暗，係一個約會既好地方本來想單點，但店員建議set餐更多野食，見價錢尚算可以，大家就點左個Dinner Set忌廉蘑菇撻仔，先上既餐前小食，體積比想像中細好多，一啖可以食晒，但味道好突出，蘑菇好入味，餅底好脆身，唔錯～啤利合桃火箭菜沙律，蔬菜好新鮮，而且加上香甜既啤梨，香脆既合桃，令沙律更加清新好食，不過合桃較細粒呢～洋蔥湯，有兩個餐湯可選擇，我當然係飲佢既招牌名洋蔥湯xd色澤係深啡色，而且上湯果時飄散好香濃既味道，雖然我少食洋蔥，但依碗我飲到一滴不剩，洋蔥煲得好淋好軟熟，入口好香濃，底底仲有少少芝士炭燒西班牙黑毛豬鞍（8安士），好香既炭燒味，七成熟既西班牙黑毛豬肉質好嫩，食落超多汁，外層好香脆，點上砵酒汁更加入味～而且店主建議豬鞍再加上焦糖蘋果一齊食既味道更好，的確油膩感會減去大半，而且脆中帶軟～法國黃油雞卷釀松露，完全無骨