高山文化咖啡廳

營業中

休息中

同朋友去咗一個超級舒適，環境幽靜嘅超空間！有一種喺日系無印良品嘅感覺木系清新感覺！超級舒服同埋休閒！一行入去就係空間靜止嘅概念～枱上邊有好多唔同嘅鮮花全部都擺放得好靚！我哋揀咗全日早餐同埋卡邦尼啊意粉配巴拿馬火腿！全日早餐嘅慢煮雞胸係超級爽口，完全唔係食唔出佢就係雞胸就係一個爽口到非常美味嘅雞胸！滑蛋煎得非常之滑！配埋三文魚，藍莓，蘑菇，沙律菜同埋健康嘅小米！呢個全日早餐真係非常之健康，又美味！卡邦尼啊意粉配巴拿馬火腿都非常之好食，卡邦尼啊意粉入邊有好香嘅洋蔥同埋煙肉碎！加埋美味嘅巴拿馬火腿腿造成玫瑰嘅樣，真係非常之吸引！我哋仲飲咗蕃茄餐湯同埋咖啡！咖啡拉花別出心裁！