Chatterbox Express

營業中

休息中

依間海南雞飯都幾出名，想食好耐，今日經過就試一試。雖然招牌菜係海南雞,但今晚想食得濃味啲，所以揀左「招牌大蝦喇沙」同「新加坡肉骨茶配飯」。另外跟餐加左「香脆薄餅配咖喱汁及蔬菜條」同「椰子雪糕咖央三文治」。 有別於馬來西亞肉骨茶咁重藥材味同深色，新加坡肉骨茶偏白色，飲落藥材味較淡，易入口。而且有很香的胡椒辛辣味。入面更有五六件排骨，煮得夠哂入味。第一次食依款肉骨茶，都有啲驚喜。 至於大蝦喇沙亦相當惹味，食落唔太辣但夠哂開胃。大蝦新鮮爽口，而豆腐卜吸收哂湯既精華同蝦既鮮味。 薄餅有別於印度薄餅Naan，佢更薄更脆，加上咖喱汁就食到停唔到口。蔬菜條有青瓜同紅蘿蔔，不過唔太啱我口味。 甜品揀左椰子雪糕咖央三文治，感覺就似窩夫雪糕咁，佢特別在用左咖央麵包黎夾住雪糕，甜而不膩。 飲品就叫左「美祿恐龍」同「椰子冰茶」。美祿唔錯，而椰子冰茶都幾特別，甜度適中，加上濃郁既椰子奶，每啖都好似食緊椰子糖咁，不過略嫌茶味唔太夠。 唔收加一，埋單兩個人人均$150左右，都算滿足既一餐。