影片
更多
2012-06-03
578 瀏覽
今(3-6-2012 Sun)朝早起身,不如趁早啲拎o野出深水埗畀男友兼同佢食早餐,然後佢返工,我去買餸.出到去會合佢後,佢帶我o黎佢食過晚飯o既呢間,10:00am都未夠,竟然聽到有客人問係咪冇早餐?我好奇怪,不過老闆就澄清話有.我同男友睇餐牌,搵極都搵唔到早餐,老闆叫我o地睇後面,我反轉o黎睇,啊,係全日供應o既餐單,不過有啲o野就限定早餐時段有,重要係售完即止o個隻.呢o度o既早餐好得意,任你自己配搭,而且晨早都有晚市至有o既o野食.男友叫o左$26.00o既豉油皇炒河,加$2.00要凍檸茶.我要$26.00o既龍脷柳包,加$2.00要凍奶茶.落單後,亞姐問我o地加唔加o野?男友答加兩份羊扒煎蛋,我即更正話唔係,係一份,另一份要炸帶子煎蛋.亞姐糾正我話我o個份加o野就要加$3.00.啊,咁好啦.佢問問廚房有冇帶子,廚房答冇.噢,好可惜,咁我改要炸蟹拑煎蛋啦.落好晒單,第一樣o黎到o既係豉油皇炒河,份量唔係多,一o黎到我嗅到過火o既(火羅)味,但食落又冇,但唔太惹味,河粉唔會過腍而變得糊口.之後係o野飲到o黎,開頭奶茶o既奶同茶味都幾均勻,但飲到底又覺得奶味多啲,而且唔算滑.然後係
出到去會合佢後,佢帶我o黎佢食過晚飯o既呢間,10:00am都未夠,竟然聽到有客人問係咪冇早餐?我好奇怪,不過老闆就澄清話有.我同男友睇餐牌,搵極都搵唔到早餐,老闆叫我o地睇後面,我反轉o黎睇,啊,係全日供應o既餐單,不過有啲o野就限定早餐時段有,重要係售完即止o個隻.
呢o度o既早餐好得意,任你自己配搭,而且晨早都有晚市至有o既o野食.
男友叫o左$26.00o既豉油皇炒河,加$2.00要凍檸茶.我要$26.00o既龍脷柳包,加$2.00要凍奶茶.落單後,亞姐問我o地加唔加o野?男友答加兩份羊扒煎蛋,我即更正話唔係,係一份,另一份要炸帶子煎蛋.亞姐糾正我話我o個份加o野就要加$3.00.啊,咁好啦.
佢問問廚房有冇帶子,廚房答冇.噢,好可惜,咁我改要炸蟹拑煎蛋啦.
落好晒單,第一樣o黎到o既係豉油皇炒河,份量唔係多,
一o黎到我嗅到過火o既(火羅)味,但食落又冇,但唔太惹味,河粉唔會過腍而變得糊口.之後係o野飲到o黎,
開頭奶茶o既奶同茶味都幾均勻,但飲到底又覺得奶味多啲,而且唔算滑.然後係我o既龍脷柳包,淨係睇外表都覺得對版,
唔似威利咁得一塊豬扒就叫葡式豬扒包咁兒戲.再揭開o黎睇,
件龍脷重大件啲o架.男友只想試少少,佢食啲啲龍脷柳,話好熱,我叫佢分一半啦,佢就用湯匙o黎分,亞姐問我要唔要刀?我答好吖,唔該.亞姐好細心呢.
咁我切開一半同男友share,漢堡包軟熟,龍脷柳亦軟滑,配上足夠o既蕃茄片,生菜同沙律醬,其實唔差.
然後兩份煎蛋都到o黎,炸蟹拑size比我想像中細,但o個pat沙律醬真係大優惠,畀咁多.
我又將切開一半蘸沙律醬食,唔…蟹拑腍o左,重有啲鯹.而煎蛋就冇乜問題啦.至於男友o既羊扒煎蛋呢,
羊扒竟然有兩件,不過睇個樣似肥牛多啲,但又連住骨,唔係肥牛o黎.食落,好軟熟,燒汁亦食到有紅酒味,冇偷工減料.
張貼
