松坂日本料理 (已結業)

依間嘢喺正我住間酒店對面，見幾方便又肚餓末去醫肚囉. 開始見到D reviews 好似麻麻地，都有D驚驚地，不過真係好肚餓末是但囉!入到去間鋪好有D舊日本feel，幾得意！個waiter 問我哋食和食定鐵板，我媽咪簡咗鐵板，之後就入咗鐵板房食。個格局好似美國嘅Benihana,D人圍住坐，中間有個鐵板師父幫你炒炒炒。仲有D噴🔥表演。味道:好味！好味過Benihana! 媽咪最鐘意個蝦，我就最鐘意個和牛！估唔到俾我哋亂撞都食到間咁好味嘅日本鐵板！本小姐幾滿意，所以俾個like你！