I Love 戟 - 班戟專門店

營業中

休息中

第一次食呢間班戟店，雖然冇食佢嘅焦糖燉蛋班戟，我哋就叫咗芝士榛子脆脆班戟同埋士多啤梨雪糕班戟。先講下芝士榛子脆脆班戟，班戟皮甜甜地，帶少少蛋撻，榛子醬係某品牌嘅，入面嘅翠翠幾特別，竟然係蛋捲碎，幾有口感。雖然佢落嘅榛子醬可以再多啲，但幾好味。而士多啤梨雪糕班戟可以揀要咩口味嘅雪糕，我哋就揀咗個冷門啲嘅味道，就係檸檬味。檸檬味食落有啲似番梘，所以唔建議大家揀呢款味。士多啤梨都幾甜，班戟入邊仲有少少Cream，都唔錯！呢間鋪頭而家推出緊優惠，買兩件班戟就送一張四球嘅雪糕券，食完班戟唔夠嘅可以用埋張券食雪糕。我哋揀咗四款唔同嘅味道，有咖啡、綠茶、豆腐、曲奇。個人最推介咖啡同豆腐，味道香濃，唔算好甜，另外果兩款就普普通通啦。唔用雪糕券嘅話四球雪糕$70 ，五球就$12。