囍 (已結業)

最近朋友帶我食咗個火鍋放題，佢話係食過咁多間打邊爐之中，個湯底算係唔錯。好啦，我又跟佢去食下。$128 個餐，包海鮮、牛、雞、同好多蔬菜。叫咗椰子木瓜雞湯底，個椰子水好香，令到所有餸都有陣陣椰子香味。雞有好多件，足半隻。咬落口都有雞味，唔會話一陣雪味咁。魚丸類就任拎，都有6/7款。有些是手打丸，有魚丸、墨丸、牛丸、爆漿丸等等，都幾彈牙，而且吸湯汁能力不俗。海鮮都是任點的，一盤盤拎黎。有吊筒、青口、桶蠔、大蝦。最喜歡是吃桶蠔，大大隻好鮮甜。環境雖然比較街坊，但燈光都光猛，地方整潔。