翠華冰廳 (已結業)

叫咗個鐵板豬扒配燒汁, 白飯食，淋燒汁以為會有鐵板嘅滋滋咋咋聲，但係事實咩聲都冇嘅🤣。豬扒幾厚，唔係cheap野，白飯都有一碗嘅份量，配菜係兩粒蕃茄仔，三舊薯仔，三舊紫薯，要讚下個紫薯整得幾好味，亦都唔係好多茶餐廳有呢款配菜。餐飲就飲咗紅豆冰，本身要加$12 ，但今日like 佢社交平台就可以免費。另外俾咗個羅宋湯我哋，都幾足料嘅，有菜蕃茄薯仔係入面。餐包係類似飛機餐派嗰款，甜餐包，烘過嘅，唔錯幾好食。