日本野 (已結業)

有返晚市，即刻帶家父去食好西。佢話好耐冇食日本嘢，所以帶佢嚟食呢間日本野😂諗住早少少到，但係坐唔到個D廂座，咁就坐咗係最入邊嘅卡位。有 D background music，傾計幾好，唔會有好嘈嘅感覺。火炙鰈魚裙邊海膽丼 火炙過嘅鰈魚裙邊，油香十足。撈埋三文魚子同埋海膽撈飯食，好滿足。牛肉壽喜燒想食D熱辣辣嘅嘢，牛肉鍋好多牛肉好豐富，配埋烏冬一齊食，暖笠笠啊。四式刺身拼盤追加咗一客刺身拼盤，有三文魚腩、北寄貝、甜蝦、八爪魚。八爪魚腳切成雙飛，令佢一D都唔硬。