影片
更多
2004-12-16
28 瀏覽
Office又有同事的歡送會，今次揀左呢個大家都未食過的地點。雖然名為私房菜，但其實係一間裝修四正的會所型中菜館，位於灣仔區的舊樓，地方幾闊落，樓底夠高，不過要行樓梯上的。午市有自選餐，兩位起，每位80元包一人一菜配老火湯、白飯同清菜，以質素計都算合理。睇餐牌，佢似乎係做鮑魚、魚翅等「富貴」餐為主的，晚餐價錢由298至1180元不等。個人認為午餐係唔錯的選擇，幾適合同人傾野。當日我地有兩圍人，將十二人套餐略作修改，叫左：是日老火湯﹝西洋菜鯪魚湯﹞、翡翠桂花蚌、名門秘製骨、蝦子柚皮、梅菜扣肉煲、羅漢齋扒豆腐、順德煎焗雞及蝦干浸白菜仔。由於呢幾日病左要戒口，所以冇飲湯，湯渣的煎鯪魚係原條上檯的，下面墊左其餘的菜同肉，賣相都幾好，同事們話冇味精的。翡翠桂花蚌即係菜心炒桂花蚌，菜心因為當造，好爽甜，桂花蚌炒得好爽脆，不過略欠鮮甜。秘製骨應該係一口咬的椒鹽骨，病人唔食得，同事們話味道幾特別，好似有D梅子味。蝦子柚皮真係好多蝦子，浸滿個大瓦砵，湯汁唔算太「杰」，味道可以，不過柚皮有少少渣，都係桃花源勝一籌。梅菜扣肉幾好味，係D扣肉皮冇「巢皮」，略欠火侯，但都算有水準。羅漢齋扒豆腐清清，唔厚獻，都O
午市有自選餐，兩位起，每位80元包一人一菜配老火湯、白飯同清菜，以質素計都算合理。睇餐牌，佢似乎係做鮑魚、魚翅等「富貴」餐為主的，晚餐價錢由298至1180元不等。個人認為午餐係唔錯的選擇，幾適合同人傾野。
當日我地有兩圍人，將十二人套餐略作修改，叫左：是日老火湯﹝西洋菜鯪魚湯﹞、翡翠桂花蚌、名門秘製骨、蝦子柚皮、梅菜扣肉煲、羅漢齋扒豆腐、順德煎焗雞及蝦干浸白菜仔。由於呢幾日病左要戒口，所以冇飲湯，湯渣的煎鯪魚係原條上檯的，下面墊左其餘的菜同肉，賣相都幾好，同事們話冇味精的。翡翠桂花蚌即係菜心炒桂花蚌，菜心因為當造，好爽甜，桂花蚌炒得好爽脆，不過略欠鮮甜。秘製骨應該係一口咬的椒鹽骨，病人唔食得，同事們話味道幾特別，好似有D梅子味。蝦子柚皮真係好多蝦子，浸滿個大瓦砵，湯汁唔算太「杰」，味道可以，不過柚皮有少少渣，都係桃花源勝一籌。梅菜扣肉幾好味，係D扣肉皮冇「巢皮」，略欠火侯，但都算有水準。羅漢齋扒豆腐清清，唔厚獻，都OK。順德煎焗雞用左好多粗蔥段同切薄片的薑，雞件煎得外脆內軟，幾好味，不過對冇叫飯的我來說就略鹹。蝦干浸白菜仔幾有水準，菜清甜，蝦干非常稔，係清淡而好味的一道菜。完場敬送雪耳木瓜糖水，咳緊的病人又冇份咯。
張貼