川香苑麻辣雞煲火鍋 (已搬遷) 新店位置

前日因為要去文蔚街做工程，中午同D工友就近食晏，經過間叫川香苑的鋪頭，出面就已經聞到好香，不過，有個工友話喺網上睇到話有人寫呢間唔好，但見到裏面都幾多人喺個道食，所以我地都決定喺個到開飯。我地坐落就叫左個小麻小辣的原只雞煲，配料就叫咗魚滑，生蠔，時菜。雞煲只雞都幾夠份量，我地幾個人食都夠曬，味道算唔錯了，我自己就沒食過正宗的麻辣雞煲，但就我個人嚟講，呢個雞煲可以啊，啱我口味。D耗就真喺正了，味道夠曬鮮甜，就算落咗個麻辣湯底裏面滾都蓋唔到原有的鮮味，超正~。魚滑同D時菜就一般般啦，勝在新鮮。