梨滿園韓國料理 (已結業)

上次食過晚市套餐，今日就試吓放題。從點菜紙見到$160 5:50-7:30，所以以為好抵，但侍應話已經冇咗呢個時段，只有$188 90分鐘。既然坐低咗就算喇。整體食物質數幾好，牛仔骨好食。最欣賞係熱盤即點即煮。叫了雞肉石鍋飯，真係大碗到食唔哂，如果食哂就真係食唔到其他嘢。海鮮煎餅都好煙韌，好食。其次欣賞嘅係有plus及zero可樂供應. 貨源足又夠凍。唯一不足係冇糖水，甜品亦只有雪糕，雪糕係自助形式，感覺一般般。