京.花朝 (已結業)

我最鍾意食中菜，所以就約咗朋友嚟呢間中菜餐廳，見到有片皮鴨就即刻叫左半隻先，兩個女仔叫左五個餸，真是好飽！雖然呢度地方唔大，但係環境好優雅。前菜叫左依度推介嘅「北京醬蹄」，果然唔錯，蒜味十足，唔會太辣，凍凍地食好正。片皮鴨嚟到嘅時候唔太熱，所以就麻麻地。而咕嚕骨就好好食，甜酸度剛好。最好嘅就個燉湯，真係好甜，好足料，夠火喉，非常好飲！食到差不多，我地就叫甜品，當我地仲猶豫緊叫乜野甜品嘅時喉，經理就過泥推介「雜果杏仁豆腐」，仲話上過東張西望節目。食落好有杏仁香味，唔算太甜，好清新嘅感覺。