喜惶點心專門店

營業中

休息中

無啦啦有日朝早好想飲茶，又唔想入中式酒樓，所以就揀咗呢間食第二次既點心餐廳。呢間餐廳喺旺角通菜街地舖。一入到去坐低無耐，侍應好好人，直接問我哋想飲鐵觀音定係普洱茶。有樣嘢同普通酒樓唔同嘅係呢間餐廳叫點心唔係tick點心紙，佢哋係用一張過咗膠嘅點心牌同一支紅筆比客人叫點心。我都幾欣賞呢間餐廳用咁有環保意識嘅idea比我地去叫點心，而唔係用無限張紙叫點心。同埋呢間餐廳主打其實係牛肉系列點心，但係因為友人唔太愛牛肉，就簡左牛肉以外既點心。竹炭熔岩流心奶黃包❤️我諗呢款真係我最愛黎，雖然今次奶皇包有啲賣相唔係幾好，可能樓上既蒸籠漏咗啲奶黃汁落黎，但係真係好好食，每一啖都感受到奶黃係個口入面，絕對有驚喜！！😍😍XO醬炒蘿蔔糕呢款點心都幾有驚喜，仲要有埋芽菜。啲芽菜係底，然後索曬啲XO醬，好好味🥰蟹肉菜苗燒賣、名醬蒸美國鳳爪、晶瑩鮮蝦餃呢三款同平時係中式酒樓飲茶既點心都無咩分別，但係可以試下其他特別啲嘅點心。