中環茶記 (已結業)

路過想試吓，店員服務禮貌都很好，裝修是懷舊冰室風格設計，係幾靚又乾淨企理，座位坐落感覺幾好唔太迫不過要搭枱囉，中環嘛租金咁貴無計啦XD既然第一次幫襯，試個早餐B沙嗲牛肉麵，呢午市都可以食早餐幾好，不過要加十蚊，可接受範圍，其他食物都係中環價錢，比其他區茶餐廳同樣食物貴少少。食物中規中矩啦，唔難食又唔可以叫好好食，汁多過牛肉同埋啲汁有少少太杰，食慢啲即變醬狀。奶茶係ok的，熱度剛好，炒蛋同多士最好味。