泰越概念 (已結業)

同朋友食晚餐，三個人大叫咗四樣嘢，勁飽，完全食唔曬。首先係呢個泰式金邊粉，話就話係海鮮金邊粉，入面蝦都冇一隻嘅，不過係有啲蟹柳呀魚蛋咁樣。唔知係咪佢呢一碟本來係炒多咗，所以好快上菜，味道係唔錯嘅。原個菠蘿炒飯，都係配海鮮，但今次係有蝦嘅！好大個嘅，味道都唔錯。至於呢個真係好好食，就係牛腩紅咖哩，我哋再嗌咗薄餅去配，薄餅總共應該係有兩個大塊剪成嘅， 呢個真係好味。另外仲有一個係椰汁雞湯，睇落去個樣有啲似冬陰功，而且味道比較偏酸嘅，但好大鍋，應該ard 4人份。我覺得食物嗰啲味道真係幾唔錯嘅，價錢有少少偏貴，但如果你夜嚟係有啲app可以有特惠嘅~