神石燒牛扒專門店 (碧街) (已結業)

琴晚收工已經好肚餓，去咗公司附近嘅呢一間神石燒牛扒專門店，餐廳環境都幾闊落，諗住快快脆脆入去填飽個肚！☑️極上原條厚切牛舌芯牛舌芯賣相已經超級吸引我，原條厚切牛舌芯勁有口感，同埋非常爽脆！☑️黑豚牛舌洋蔥湯呢一款湯係喺自助區嗰度拎嘅，係任飲任拎，同沙律菜同埋飯擺埋一齊，除咗呢一款湯仲有另一款泡菜湯，不過我自己就比較鍾意呢一款洋蔥湯比較鮮甜，同埋入面仲有啲黑豚牛舌可以食！☑️追加頂級虎蝦大大隻晶凝通透嘅頂級虎蝦幾甜，仲要蝦肉好彈牙！另外我仲特登飲左包日本提子汁，酸酸甜甜！整體而言，如果呢個價錢我覺得質素都算唔錯，見到佢哋嘅選擇幾多，可以根據自己嘅喜好或者食量決定要邊一個套餐，雖然用咗傳統石燒嘅方式，但店舖都唔算太大油煙味，絕對可以返嚟再一試！