叄壽司凍肉專門店

營業中

休息中

話說今日行過景峰見到有間凍肉壽司專門店，諗唔到今晚煮咩於是就叫外賣啦，估唔到都OK喎。叫咗個蟹籽青瓜沙律，俾我想像中份量都好多，同埋都好足料，蟹柳都幾鮮甜配上大量蟹籽作為前菜都10分不錯，個份量真係多到三個人食先得芝士玉子燒，見到塊芝士都咪話唔吸引🤩仲要佢應該用咗啲幾靚嘅蛋，因為食落口個蛋味好重，唔會比芝士搶走味道，不過呢一人食兩舊就夠啦，再食就會有啲太漏😋炸魷魚圈，好香口啊，不過始終外賣所以返到屋企就會有少少淋咗，但係本身炸得幾香脆，雖然漏返到屋企淋咗少少，但係啲炸粉都好香，同埋魷魚本身都鮮，如果即開即食嘅話應該會更加好食我都唔記得咗自己嗌咗玉子燒，所以呢又嗌咗玉子壽司，玉子壽司同玉子燒一樣味都夠濃多作評論啦，帶子壽司同三文魚壽司係我最愛，因為件件都好厚身，而貝壽司我都覺得幾好食，不過我本身偏向鍾意食魚，所以我會推薦三文魚壽司呢個鰻魚飯，條鰻仲長過我手掌，個盒都擺唔晒，鰻魚煎到個皮脆脆地，加上佢個醬汁，濃得來唔會太鹹，不過依家嘅份量都真係幾多，仲諗住兩個人啱啱好，點知食唔晒，要三個人先食得晒呢間嘢做外賣我覺得都幾好，出貨都快，不過最好就預約落單先會好啲！