Second Bite Bar & Grill (已結業)

放飯想食好啲，同朋友去左secondbite食西餐，長沙灣可以食既西餐唔多。我地分別叫左帶子黑松露燉飯，牛漢堡同豬扒公仔麵。帶子黑松露燉飯既帶子真係好有帶子味，好甜，如果係急凍帶子，真係處理得好好。個飯有少少乾，多少少汁會更好食。牛漢堡係配雙色薯條，難得一見。豬扒公仔麵既豬扒好厚，有汁，只係麵就用左印尼撈麵。佢個午餐唔食飲品，只包湯或者沙律。沙律既沙律醬撈得好均勻。湯係蕃茄薯仔湯，佢打到好結身，好有口感。