影片
更多
2012-08-10
1175 瀏覽
食潮州打冷，唔好以為間舖頭貌似普通，平平凡凡，但係隨時一人成千蚊落樓，西環【尚興】九龍城【創發】就係其中表表者！食個鹵水併盤，叫份蠔餅加碟沙茶牛河，梗係無所謂…如果咀刁啲，加隻大少少嘅凍蟹？睇怕都要五六百！口淡淡整個翅？一人三四百冇走雞！如果再刁鑽啲，嚟個白灼響螺片？冇一千都落唔到樓！咁長嘅開場白，都不外乎講我今次食呢間潮州舖，有幾平！靚！正！呢間叫【麗港軒】，位處麗港城嘅住客會所‧先講有幾平，請留意餐牌，8至12位，八餸一湯，每位只係 $158，仲免收加一！有凍蟹…花彫蒸蟹…鹵水併盤…烏頭…湯…雞…蠔餅…水瓜烙…炒菜…兼有甜品…樣樣都大大份，仲想點？再講有幾靚，凍蟹雖然唔算大，但有鮮味！烏頭肉質夠滑又唔腥，鹵水入味，炸子雞外脆內嫩，蠔餅又唔會炸到燶口燶面！味味都算好味，已經好難得！至於正？就係正在個廁所！因為【麗港軒】，喺麗港會所入面，自不然就用番佢地個廁所，呢度唔止乾淨，仲連埋更衣室同沖涼房，下次再去食飯，一定帶埋毛巾沐浴露‧食完飯開個大沖埋涼咁就確實好正！
食潮州打冷，唔好以為間舖頭貌似普通，
平平凡凡，
但係隨時一人成千蚊落樓，
西環【尚興】
九龍城【創發】
就係其中表表者！
食個鹵水併盤，
叫份蠔餅加碟沙茶牛河，
梗係無所謂…
如果咀刁啲，
加隻大少少嘅凍蟹？
睇怕都要五六百！
口淡淡整個翅？
一人三四百冇走雞！
如果再刁鑽啲，
嚟個白灼響螺片？
冇一千都落唔到樓！
咁長嘅開場白，
都不外乎講我今次食呢間潮州舖，
有幾平！靚！正！
呢間叫【麗港軒】，
位處麗港城嘅住客會所‧
先講有幾平，
請留意餐牌，
8至12位，
八餸一湯，
每位只係 $158，
仲免收加一！
有凍蟹…花彫蒸蟹…鹵水併盤…
烏頭…湯…雞…蠔餅…水瓜烙…炒菜…
兼有甜品…樣樣都大大份，
仲想點？
再講有幾靚，
凍蟹雖然唔算大，
但有鮮味！
烏頭肉質夠滑又唔腥，
鹵水入味，
炸子雞外脆內嫩，
蠔餅又唔會炸到燶口燶面！
味味都算好味，
已經好難得！
至於正？
就係正在個廁所！
因為【麗港軒】，
喺麗港會所入面，
自不然就用番佢地個廁所，
呢度唔止乾淨，
仲連埋更衣室同沖涼房，
下次再去食飯，
一定帶埋毛巾沐浴露‧
食完飯
開個大
沖埋涼
咁就確實好正！
張貼
