90s Lazy (觀塘) (已結業)

又係成業工業大廈近來的新食肆，即刻去試吓。裏面幾幽靜，d位幾好坐，但店裏面檯唔多張，我去果日開咗一兩日吧，所以人少少，相信人多就要等位。餐牌上，幾種菜式都有，飯、意粉、漢堡，價錢正常，唔係好平，又唔係好貴咁啦。食了蜆肉意粉，意粉都算al dente，用檻欖油煮得幾香。我講食材算幾掂係指啲蜆，海鮮類一定要新鮮，呢個蜆d蜆肉幾鮮甜，碟中蜆都算幾多隻，ok的。凍檸茶就正正常常啦。上菜速度都可以，唔會話等勁耐。利申：無任何優惠，純粹見到佢新開張去試下，所有餐正價付款！早知我問下佢有無優惠啦！！！OpenRice 唔好成日懷疑我係妹好唔好呀，寫下食評分享下比其他人純粹係我興趣咋。