囍慶酒家

營業中

休息中

話說家中兩老同小朋友無異，一樣愛扭計😂近排公司實左太多野忙所以都無同佢地飲過早茶，難得今日老細唔係公司就靜雞雞出黎陪下兩老飲個午市都好😍午市時間果然好多人，好彩職員都安排得好好唔使等太耐好多點心揀，兩老又心大心細胃口更細屬眼闊肚窄型，咁都係我發板啦😂即叫即製叉燒腸非常足料，勁多叉燒，腸粉應該係因為餡料太多所以包多左幾層但因為夠哂滑，所以都無影響到口感蘿蔔千層卷超酥脆，蘿蔔絲一條條細緻分明，亦唔會有苦味其他點心都非常足料夠味，而且新鮮熱辣之餘都唔會令食客等太耐👍🏻下次一定會再黎食過🤗