逸 壽司 (已結業)

呢間逸壽司除左有廚師發辦之外（價位都唔貴，三百幾至七百幾蚊一位），佢都有好多抵食既dinner set。我今日叫左老闆推薦，dinner set入面既“皇牌”：特上壽司盛（10枚）$268。呢十款壽司老闆話都係貴價靚料，二百幾蚊一個set係幾抵。首先黎左麵豉湯同沙律菜，我中意碗麵豉湯好熱，咸味啱啱好，仲有好多豆腐海帶。之後就上左兩款前菜小食：吞拿魚漬+芥辣八爪魚。個吞拿魚漬幾特別，咬落好似咬緊肉乾咁，有咸香味，有啲似食緊牛肉粒，幾特別。之後就上主角：壽司10枚1.牡丹蝦： 蝦質幾彈牙2.帶子：帶子𠝹得好靚，大粒爽口3.深海池魚：魚油味甘香4.池魚：肉質緊實，有淡淡魚香5.真鯛：我覺得係幾隻白魚入面最好食6.油甘魚：魚油入口甘香7.火炙金䤼鯛：火炙味香，魚質彈8.三文魚籽：好鮮味，三文魚籽一粒一粒喺口腔度爆，好juicy，唔會腥，咸甜9.海膽：一般10.拖羅：肥美，甘香✏️總括而言，性價比都唔錯，佢午餐下午茶都好抵食。