影片
更多
2012-07-31
49 瀏覽
禮拜一放假去左灣仔行下，想食D特式D既野，於是就去左試呢間上樓既阿拉伯餐廳。之前聽同事介紹過呢間野，話都幾好食，同埋lunch有時幾多人，所以就趁未到lunch time 12點正到上去。因為早去所以坐到窗口位，可以睇到附近街景，個景觀幾舒服。餐檯上面擺左個過膠餐牌同埋一支筆，是自助落單既形式，都算幾環保。我揀左$70既阿拉伯SET，可以試多幾樣野，有頭盤、湯同埋main dish。我揀左頭盤要雞心豆茸、餐湯要扁豆湯同埋主菜係免治羊肉腸，佢地話個羊肉腸係自制的。主菜有得揀配白飯或黃飯或薯條，我揀左waiter推介既黃飯。睇檯上面張餐紙我發現原來12點半前埋單有9折，所以即刻問waiter食物要幾耐上到，佢話大約5-10分鐘上到，ok咁都仲夠時間食。頭盤同湯好快就上到，豆茸個texture有點兒似花生醬，是用阿拉伯麵包去點o黎食的，食落幾香豆味同有少少酸，係個好既開胃菜。扁豆飲落去幾濃郁，有d扁豆茸o係入面，幾香幾好飲。不過有少少heavy都幾飽肚。仲未飲完湯主菜已經黎到，真係幾快手。碟上檯時可以聞到羊肉腸既香味，另外個黃飯都可以聞到一d香料味。羊肉煎得幾香口，食落亦唔會太乾，同埋可以f
之前聽同事介紹過呢間野，話都幾好食，同埋lunch有時幾多人，所以就趁未到lunch time 12點正到上去。
因為早去所以坐到窗口位，可以睇到附近街景，個景觀幾舒服。
餐檯上面擺左個過膠餐牌同埋一支筆，是自助落單既形式，都算幾環保。我揀左$70既阿拉伯SET，可以試多幾樣野，有頭盤、湯同埋main dish。
我揀左頭盤要雞心豆茸、餐湯要扁豆湯同埋主菜係免治羊肉腸，佢地話個羊肉腸係自制的。
主菜有得揀配白飯或黃飯或薯條，我揀左waiter推介既黃飯。
睇檯上面張餐紙我發現原來12點半前埋單有9折，所以即刻問waiter食物要幾耐上到，佢話大約5-10分鐘上到，ok咁都仲夠時間食。
頭盤同湯好快就上到，豆茸個texture有點兒似花生醬，是用阿拉伯麵包去點o黎食的，食落幾香豆味同有少少酸，係個好既開胃菜。扁豆飲落去幾濃郁，有d扁豆茸o係入面，幾香幾好飲。不過有少少heavy都幾飽肚。
仲未飲完湯主菜已經黎到，真係幾快手。碟上檯時可以聞到羊肉腸既香味，另外個黃飯都可以聞到一d香料味。
羊肉煎得幾香口，食落亦唔會太乾，同埋可以feel到羊肉入面有既香料味，good!
黃飯亦都好香好好食，飯既質感鬆軟、味道豐富。
整體黎講係滿意既一餐，味道好、份量都夠，價錢亦都合理。同埋我12:30前埋單有9折。
有機會一定會再黎試下其他野食。
p.s.
閒日想黎食lunch既話最好book定檯，因為佢地得廿零個位到，果日我見都幾多booking。
12點半前埋單同2點後落order都有9折。
夜晚有5送1優惠，適合一班人黎食飯。
張貼
