帝景軒 (已結業)

收到買一送一coupon就同細佬、呀媽一齊去試下。我地每人叫左一個餐, 揀左燒雞扒漢堡, 芝士焗豬扒飯同埋印尼炒飯 。細佬叫果個漢堡包超吸引, 份量勁過麥當當足3襾呀, 同埋D番茄好大塊, 好新鮮, D薯條好脆, 不過試得幾條, 其他都俾細佬食晒。而我果份印尼炒飯配雞肉、牛肉沙嗲串同煎蛋份量就真係大喇! 初初睇落好似好MINI咁，以為自己食得晒。點知最後食得2/3 , 份量都幾夠下, 男仔食都冇問題呀，最surprise係有塊大蝦片，wowoowooo! 而最後個芝士焗豬扒飯, 超正, 因為有好多芝士係面呀~! 而且都好夠汁, 唔會食食下唔夠汁剩食飯。呢個飯又係超足料, 最尾都係食唔晒，真係想打包晒番屋企食呀! 叫左3個餐份份都好足料，味道中上，仲要買一送一，其實真係好抵食! 所以今次就寫個食評推介下俾大家啦~!!